Dening: ND Saputra
Dhuh Biyung...
Ing tegal Kurusetra dina pitulas
Dhadhaku tinembus jemparing Pasopati keng ari
Nyawa bakal oncat saka ragaku
Nanging aku lila legawa
Kabeh mau minangka lelabuhanku, Biyung
Marang Kakang Duryudana
Marang negaraku Ngawangga
Marang panjenengan Biyung!
Aranana aku mbalela
Aku pancen mbalela!
Mbalela sajrone njejegake janji Satriya
Aturna salamku marang adhi-adhi Pandhawa
Dheweke ora kliru, jejer mbok menawa aku sing kliru
Paringana apuramu biyung
Nalika ludira iki garing
Seksenana aku dadi kusumaning bangsa
290212
0 komentar:
Posting Komentar