Wis suwe umure blog iki, nanging uga suwe ora diurus. Ndilalah kok oleh kenalan sing wasis bab nguwik-uwik blog, sapa maneh lek dudu Mas Pardi. Asile langsung katon. Praupane Blog iki dadi malih! Ya tambah apik, ya tambah kepenak disawang, lan sing penting yen miturut Mas Pardi, yen dibukak entheng. Dadi yen koneksi internet lagi rendhet, blog-e tetep bisa dibukak.
Kanggone sing ngerti, template anyar sing takgawe pancen memper karo kagungane Pak Dahlan Iskan, Mentri BUMN. Ya ben yen dianggep melu-melu Pak Dis. Pancen aku kesengsem karo tulisan-tulisane. Muga-muga wong kaya Pak Dis tambah akeh neng negarane awake dhewe iki, supaya Indonesia bisa maju. Maju ora neng korupsine, nanging pembangunane. Pungkasane pancen aku kepengin blog iki ketularan kondhange Pak Dis.
Maturnuwun Mas Pardi, maturnuwun Pak Dis
